” اپنے دین کو بچا نے کے لئے ہم ہرقربانی دینےکی قسم کھاتے ہیں ” المدینہ نے باقی دس لڑکیوں کے ساتھ آوازمیں آوازملا ئی لیکن اس کی آواز کاجوش الگ ہی سنا ئی دے رہا تھا ۔ فا طمہ نے المدینہ کا کندھا پیا ر سے تھپتھپا یا۔ ” تم پر خدا کی رحمت ہو مجھے یقین ہے کہ تم اللہ کی پسندیدہ ہو ” ان لڑکیوں سےعمرمیں کا فی بڑی فاطمہ بلند آوازمیں مخا طب ہوئی ،” آپ کو یہ قسم دہرانے کو اس لئے کہا میں نے کہ آ پ کی آواز کی سچائی اور جوش نہ صرف اللہ پا ک کے حضورسربسجود ہے بلکہ امیرابوربا ب بھی سن رہے ہیں اور گواہ ہیں آ پ کی ہمتوں کے ۔ آ پ نے اپنا ہر مشن کا میا بی سے پورا کیا اور اب اللہ کی منتخب عورتوں میں سے ہیں ۔ہمارے امیر حضرت ابورباب نے بہت خاص لڑکیوں کا انتخاب کیا ہے اس محترم کا م کے لئےجو اپ کو جنت میں اعلی درجہ پر فا ئز کرےگا اور وہ دس خوش نصیب آپ ہیں ۔ امیرابورباب کا نام سنتے ہی لڑکیوں نے ادب سے اپنے ہاتھ جو ڑ کے سر جھکا لیا تھا ۔ ” آپ سب کو معلوم ہے کہ ہمارے مرد اپنے دین کی حفاظت کے لئے اپنے جسموں سے بارود بآندھ کےخود کو قربان کرنے میں ذرا سی د یرنہیں کرتے ،، وہ ایما ن کے اعلی درجے پرفا ئز ہیں ۔کیا ہماری جان ، ہما رے مال ہمارے جسم کی اللہ کی راہ میں جہاد کے آگے کوئی اہمیت ہے ؟ ” نہیں ہے ، ہمارا سب کچھ قربان اسکے نام پر” لڑکیوں نے جوش سے کہا ۔ ” جو بھی اللہ کی راہ میں جہاد کررہا ہو ہم اس کے لئے اپنا سب کچھ قربان کر دیں گے ” ” ‘یہی ہے نا ہماری قسم ؟ ” فاطمہ نے اونچی آوازمیں پوچھا “یہی ہمارا ا یما ن ہے مادام ” المدینہ نے بلند آوازمیں جواب دیا ” تواب یہ قسم پوری کرنے کاوقت آ گیا ہے ” لڑکیوں نے جوش سے تالی بجا ئی اور شکرکا سجدہ کیا ۔ ” ہما رے مرد اپنے بیوی بچو ں سے دور رہ کے خدا کی راہ میں جہا د کررہے ہیں ۔اللہ انکو اپنے خا ص بندے مانتا ہے اور آپ کومنتخب کیا گیا ہے اس سعا دت کے لئے کہ انکے کام آ ئیں ۔حضرت ا بورباب نے اللہ کی ہدایت پرفتوی جاری کیا ہے ،آپ سب جانے کی تیاری کریں سعادت کا یہ سفر بہت مبارک ہوآپ کو
دس لڑکیوں میں سے ایک نے گھٹنے زمین پر ٹیک کے دبی دبی آوازمیں سوال کیا “ہمارے سپرد کیا کا م ہے مادام ؟ ” ہمارے محترم جہادیوں کے ذہنی اور جسمانی سکون کے لئے سب کچھ کرنا ہے ، آپ کومجا ہدین کے لئے امیرابورباب نے حلال قرار دیا ۔ ہمارے مجا ہدین جس لڑکی کو پسند کریں اس کے سامنے تین بار اللہ اکبر کہیں گے اور جہاد ا لنکاح قائم ہو جائےگا ، یا د رہے ہم نے دین کی رسی کو مضبوطی سے پکڑا ہوا ہے ہماراسب کچھ اس کا ہے یہ سب کچھ آپ اللہ کے حکم پرکریں گی ، فرشتے آپ کے نام پرسلا م پیش کررہے ہیں حوریں تہنیت کے گیت گارہی ہیں ۔ لڑکیوں نے تین با ر اللہ اکبر کا پرجوش نعرہ لگایا اور سرسجدے میں ٹیک دیا ۔ “پروردگاردین کے لئے ہماری رضا قبول کر” ا لمدینہ دس لڑکیوں میں سب سے خوبصورت تھی سواس جنسی جہاد میں سب سے ذیادہ مصروف رہی ۔ اس کا جہاد بہت تھوڑی مدت میں ہی قبول ہوگیا اور آج وہ مجا ہدین کے کا ندھوں پر لیر لیر بدن لئے جنت کے سفر پر روانہ تھی جہاں اسکے نام کی تختی نسب ہو چکی تھی ۔مقدس شیطان پرجو ش نعرے لگا رہے تھے۔اللہ اکبر اللہ اکبر اللہ اکبر ۔
جہادالنکاح
