سانحہ

ایف آئی آر درج کرتے ہوئے لکھا گیا۔۔۔۔
کل رات تقریبا” نو بجے(تفتیش کے باوجود وقوعہ کا صحیح وقت معلوم نہیں ہوسکا)۔شہر کی مصروف ترین شاہراہ پر(جہاں کسی خرابی کے باعث سٹڑیٹ لائٹس آف تھیں)۔موٹر بائیک پر سوار ایک نوجوان (شناختی کارڈ موجود نہ ہونے کے باعث نوجوان کی شناخت نہ ہوسکی)۔۔۔۔۔بیسیوں چشم دید گواہوں کی موجودگی میں ۔۔۔ایک ذیلی سڑک کا موڑ کاٹتے ہوئے تیز رفتاری(اور شدید آندھی) کے باعث اپنا توازن برقرار نہ رکھ سکا اور سر پر شدید چوٹیں آنے کے باعث موقع پر ہی ہلاک ہوگیا۔۔لاش قنضہ مین لے کر پوسٹ مارٹم کئ لئے بھجوا دی گئی ہے
٭٭٭٭٭٭٭٭٭٭٭٭٭٭٭٭٭٭
موقع پر موجود کچھ معتبر لوگوں کا کہنا ہے
موٹر بائیک کی رفتار معمول کے مطابق تھی،حادثہ ناکافی روشنی،سڑک کے عین بیچ پڑے گڑھوں اور کنارے پر موجود نوکیلے پتھروں کے باعث پیش آیا۔۔۔
مزید یہ کہ بروقت طبی امداد نہ ملنے اور زیادہ مقدار میں خون بہہ جانے کی وجہ سے نوجوان کی جان نہ بچائی جا سکی
(حالانکہ علاقے کا تھانہ اور ہسپتال جائے حادچہ سے صرف ایک کلومیٹر کے فاصلے پر تھے)
٭٭٭٭٭٭٭٭٭٭٭٭٭٭٭٭٭٭٭
پوسٹ مارٹم کی رپورٹ کے مطابق ۔۔۔۔اگرچہ نوجوان کے جسم پر گہرے زخموں کے نشانات پائے گئےتھے۔سر پر اندرونی و بیرونی چوٹین بھی آئی تھیں ۔۔۔۔۔۔۔۔۔۔۔۔۔۔۔۔۔۔۔تاہم ڈاکٹرز کی متفقہ رائے تھی(اور وہ خود بھی حیران تھے) کہ نوجوان کی موت ایکسیڈنٹ سے پہلے دم گھٹنے کے باعث واقع ہوئی ہے
٭٭٭٭٭٭٭٭٭٭٭٭٭٭٭٭٭٭٭٭
چند جہاندیدہ اور عمر رسیدہ بزرگوں نے لائبریری میں اخبارات میں “سٹوری پڑھنے اور 24/7 ٹی وی چینلز پر “بریکنگ نیوز” سننے کے بعد تبصرہ کرتے ہوئے کہا
استغفار۔۔۔۔۔۔۔۔کیا وقت آگیا ہے اب مردے بھی موٹر بائیک چلانے لگے
یہ حادثہ نہیں قرب قیامت کی نشانیوں میں سے ایک ہے
کوئی عقل کو ہاتھ ڈالو جانے کس کی پوسٹ مارٹم رپورٹ تھی اور کس کے سر منڈھ دی
یہ بات ممکن ہوسکتی ہے کہ نوجوان کی سانسں پہلے اکھڑی ہوں اور پھر حادثہ پیش آیا ہو
مگر پوسٹ مارتم رپورٹ میں تو لکھا تھا کہ نوجوان حادثے سے کئی گھنٹے پہلے دم گھٹنے کے باعث اللہ کو پیارا ہو چکا تھا
شہر کی سڑکیں بھی تو ناکارہ ہیں
اور روشنی تو کب کی روٹھ چکی ہے ہم سے
٭٭٭٭٭٭٭٭٭٭٭٭٭٭٭٭٭٭٭٭٭٭
ایف آئی آر میں حادثے کا وقت کچھ بھی درج ہو شہر میں آندھی حادثے کے فورا” بعد ہی چلنا شروع ہوئی تھی
(اُس وقت سے سارا شہر آندھی کی زد میں ہے)