مرکّب زحاف
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفرد زحاف کی تعریف یہ تھی کہ وہ رکن کے ایک ہی جزو میں تغیر کرے۔جبکہ مرکب زحاف سے ایک یا زیادہ ارکان میں تغیررونما ہوتے ہیں ۔
ہم دیکھ چکے ہیں کہ یہ تغیر ۔سبب خفیف ۔سبب ثقیل۔وتد مجموع اور وتد مفروق میں ہوتے ہیں جو درصل کسی رکن یا کلمے کے اجزا ہوتے ہیں ۔ہم اب تک یہ بھی سمجھ چکے ہیں کہ جب بھی ایک یا ایک سے زیادہ زحاف کسی رکن پر عمل کرتے ہیں تو یہ عمل بیک وقت سالم* رکن پرہوتا ہے ۔کسی مزاحف* پر نہیں ۔یہ ایک ایسا اٹل اصول ہے ۔جسے نہ سمجھنے کی وجہ سے بہت سی الجھنیں جنم لے سکتی ہیں ۔
اب ہم دیکھیں گے کہ مرکب زحاف کیا ہوتا ہے؟؟
مرکب زحاف ۔۔مفرد زحافوں کو مختلف ناموں کے تحت جمع کرنے کو کہتے ہیں۔ان کی مختلف اقسام ہیں۔جو مندرجہ ذیل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۱۔زحاف۔شکل۔۔۔۔۔۔۔۔۔مزاحف ۔مشکول
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شکل۔خبن و کف کے اجتماع کو شکل کہا جاتا ہے ۔اس کا مزاحف مشکول کہلاتا ہے
.-خبن سے سبب خفیف کا ساکن دوسرے مقام سے گرتا ہے جبکہ کف سے ساتویں مقام پر۔مزاحف مشکول کہلاتا ہے۔
اس زحاف کا بیک وقت مرکب عمل صرف دو سالم اراکین پر ہو سکتاہے۔۔فاعلاتن۔۔۔مس تفع۔لن ( مفروقی)۔ایسے
فاعلاتن۔زحاف خبن سے۔فا۔ کے دوسرے مقام سے سبب کا الف گرا ۔اس کے ساتھ ہی زحاف کف نے تن کا ن ساقط کیا۔یہ عمل بیک وقت
ہوا تو باقی۔فعِلاتُ۔بچا۔آخری حرف ۔ت ۔پر حرکت یہ بتانے کے لئے کافی ہے کہ یہ زحاف عروض و ضرب میں استعمال نہیں ہو سکتا۔
مس تفع لن( مفروقی)۔زحاف خبن اور کف کے بیک وقت عمل سے۔دوسرے مقام سے ۔مس ۔کا سین ۔گرا ۔اورساتوین مقام سے۔لُن ۔کا نون۔باقی رہا۔ متفعِلُ۔جسے اُس کے ہم وزن ۔مفاعِلُ ۔سے بدل لیا۔یہاں بھی لام پر حرکت یہ بتاتی ہے کہ یہ زحاف عروض و ضرب کے
علاوہ ہر جگہ استعمال ہو سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۲۔زحاف۔شتر۔۔۔۔۔۔مزاحف۔اشتر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شتر۔یہ زحاف خرم اور قبض کا اجتماع اور سالم رکن۔مفاعیلن۔سے مخصوص ہے۔مزاحف کو اشتر کہتے ہیں۔
سالم رکن ۔مفاعیلن ۔کے وتد مجموع کا پہلا حرف میم۔زحاف ۔خرم ۔کے نتیجے میں گرا اورپانچوین مقام سے زحاف ۔قبض ۔نے۔ عیلن کی یے
کو گرا دیا ۔باقی اشتر مزاحف ۔فاعلن ۔بچا
۔اگرچہ یہ عام زحاف ہے مگر * عروض و ضرب میں اس لئے استعمال نہیں کیا جا سکتا ۔کیونکہ اس سے بحر ہزج
کے بحر ۔متدارک ۔میں بدلنے کا دھوکا ہو گا ۔
یہ بات یاد رکھنے کے قابل ہے کہ مزاحف۔ مفاعلن۔کا۔ علن ۔وتد مجموع نہیں بلکہ سبب خفیف کی مزاحف شکل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۳۔زحاف۔ثرم۔۔۔۔۔مزاحف۔اثرم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ثرم زحاف۔سالم رکن۔فعولن ۔سے مخصوص ہونے کی وجہ سے ۔ثرم۔کہلاتا ہے ۔ورنہ وہی شتر کا عمل ہے۔جو مفاعیلن میں ہوا۔
یہ زحاف۔ثلم اور قبض ۔کا اجتماع ہے۔
ثلم کے عمل کے باعث ۔سالم رکن ۔فعولن کے وتد مجموع۔سے فعولن ۔کا۔ ف گرا اور زحاف۔قبض کے باعث پانچویں مقام سے سبب
خفیف۔لُن۔کی ن ساقط ہوئی۔باقی ۔ عو لُ۔بچا۔جسے فعلُ یا فاعِ ۔سے بدل لیا۔چونکہ متحرک الآخر ہے ۔اس لئے عروض و ضرب میں
استعمال نہیں ہو سکتا ۔ویسے عام زحاف ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۴۔زحاف۔خرب۔۔۔۔مزاحف۔اخرب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس زحاف میں ۔خرم و کف۔کا اجتماع ہے
مفاعیلن ۔رکن میں۔ خرم۔سے وتد مجموع کا میم گرا۔اور کف نے آ خری سبب کی نون کو ساقط کیا ۔باقی رہا۔فا عیلُ۔جسے
اس کے ہم وزن۔مفعولُ ۔سے بدل لیا۔یہ بھی متحرک الآخر ہے ۔سو عروض و ضرب میں استعمال نہیں ہو سکتا ۔باقی ہر جگہ کے لئے عام
زحا ف ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۵۔زحاف۔تشعیث
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاعلاتن۔میں خبن اور تسکین کے اجتماع کا نام ہے۔مخبون۔ف ع لاتن(ف۔ع۔متحرک)،تسکین کے بعد فعلاتن ۔ہو جات ہے ۔جسے مانوس۔مفعولن سے بدل لیتے ہیں ۔تسکین اوسط کی دونوں صورتوں کے بیان کے بعد ۔اس زحاف کا وجود اور عدم وجود برابر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۶۔زحاف۔خبل۔۔۔۔مزاحف۔مخبول
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خبن اور طی ۔کے اجتماع کو۔ خبل۔ کہتے ہیں ۔اور چونکہ یہ دونوں زحاف علی الترتیب سبب خفیف کے دوسرے اور چوتھے ساکن کو ساقط کر تے ہیں ۔
اس لئے صرف دو ارکان ایسے ہیں جن پر یہ زحاف عمل کر سکتا ہے۔
مستفعلن۔۔مفعولاتُ
مستفعلن ۔سے س۔اور۔ف۔ساقط ہوئے تو باقی ۔مُتعلن۔رہا۔جسے اس کے ہم وزن ۔فعلتن ۔سے بدل لیتے ہیں۔
مفعولاتُ۔سیف۔اور۔و۔گرے تو باقی مُعُلاتُ۔بچا۔جسے اُس کے ہم وزن۔فعلاتُ(ف۔ع۔متحرک) سے بدل لیا۔
ان مزاحف کو۔ مخبول ۔کہتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۷۔زحاف۔زلل۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خرم اور ہتم کا اجتماع ہے۔جس کا مطلب یہ ہے کہ یہ زحاف خرم کی وجہ سے صرف رکن ۔مفاعیلن ۔پر لگ سکتا ہے۔
خرم سے مفاعیلن کا میم گرا اور ہتم سے آخری سبب خفیف مع عی کی ۔ی۔کے ساقط ہوا اور ساتھ ہی ع ساکن ہوئی۔جس کے بعدصرف ۔فاع۔بچا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۸۔زحاف۔خلع۔۔۔۔۔۔مزاحف۔مخلوع
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خبن و قطع کے اجتماع کا نام۔خلع۔ہے ۔مزاحف کو مخلوع کہتے ہیں
۱۔مستفعلن: خبن سے س،قطع سے ن مع حرکت ل ساقط ہوئے۔مُتفعل۔باقی رہا۔اسے ہم وزن۔فعولن ۔سے بدل لیا
۲۔فاعلن:خبن سے فا کا الف اور علن کا ۔ن مع حرکت ل ساقط ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۹۔زحاف۔بتر۔۔۔۔۔مزاحف۔ابتر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفرد زحاف ۔بتر ۔میں ہم نے دیکھا تھا کہ وہ ۔شروع کا وتد مجموع۔ساقط کرتا ہے ۔لیکن مرکب زحاف۔بتر۔مفرد زحاف خرم اور مفرد زحاف جب کا
اجتماع ہے۔خرم کا لفظ یہ بتانے کے لئے کافی ہے کہ یہ زحاف صرف رکن۔مفاعیلن۔پر عمل کرتا ہے۔
خرم سے۔مفاعیلن کا۔ میم۔اور زحاف ۔جب۔کے عمل سے آخر کے دونوں سبب خفیف ساقط ہوئے۔باقی۔فا۔بچا ۔جسے ہم وزن مانوس
فع سے بدل لیا۔
(مفرد زحاف۔ بتر ۔عربی اور مرکب زحاف ۔بتر۔اہل فارس کا زحاف ہے۔)*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرکب زحافوں کا بیان ختم ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کچھ امور جنہیں ذہن نشین کرنا ضروری ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ تمام زحاف جن کو اردو فارسی میں زیادہ تر اور بنیادی طور پر استعمال کیا جاتا ہے ۔بیان کر دئے گئے ہیں ۔جن زحافوں کی تفصیل بیان نہیں کی گئی ۔انہیں ہر
رکن پر لگنے والے زحافوں کی جدول میں بیان کر دیا جائے گا۔تاکہ اگر آپ کوئی آہنگ تراشنا چاہیں تو تراش سکیں۔لیکن زیادہ ضروری بات یہ ہے کہ زحاف کو استعمال کرتے ہوئے مندرجہ ذیل بنیادی امور کو آپ ہمیشہ پیش نگاہ رکھیں۔
۱۔زحاف کا عمل صرف سالم رکن پر ہوتا ہے۔جو اصول عشرہ میں شامل ہیں مزاحف صورتیں ان اصولوں کی فرع ہیں ۔
۲۔ا ایک سے زیادہ اجزا یا اراکین پرمرکب زحاف بیک وقت لاگو ہوتے ہیں
۳۔اگر ایک زحاف کسی جزو پر لاگو کیا جا رہا ہے ۔تو اس زحاف کے لئے رکن میں جزو کا مقام اور نوعیت پیش نظر رکھنا لازم ہے ۔سبب خفیف پر لگنے والا
زحاف سبب خفیف پر ۔(دوسرا چوتھا پانچواں ، آخر ۔جو بھی اس کا مقام ہے)ہی لگے گا اسی طرح وتد والا اس کے حسب حال ۔و علیٰ ہذا اقیاس
۴۔عروض و ضرب کے زحاف وہ ہیں جن کا آخری حرف متحرک نہیں ہو تا۔اس کا خیال رکھنا بہت ضروری ہے
۵۔صدر و ابتدا ۔اور۔ حشو ۔کے زحافوں کا آخری حرف متحرک ہو سکتا ہے۔
۶۔تسکین اوسط میں تسکین اور تحنیق کے عمل کے بعد مزاحف کی صورتین اکثر بدل جاتی ہیں۔
