علم العروض ۔۔۔ سبق نمبر32۔۔۔جمیل الرحمن

بحر متقارب (5)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بحر متقارب مثمن مقبوض اثلم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا �آپ کو یاد ہے کہ زحاف،، ثلم ،،کیا ہے؟ اسی طرح زحاف ،،ثرمِ ،،۔۔۔۔اس بحر میں یہ دونوں ہی انتہائی اہم زحاف ہیں ۔جن کے بارے میں واضح نہ ہونے پر آپ کو اگلے اسباق سمجھنے میں کافی دقّت ہو سکتی ہے ۔اس لئے میری طلباء سے گذارش ہے ۔وہ ان زحافات کی بابت اپنے ذہن کو صاف کر لیں ۔بطور یاددہانی میں اُن کی تعریف دوبارہ لکھ دیتا ہوں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ثلم۔۔۔۔جب رکن ،،فعولن،، کے وتد مجموع پر زحاف خرم واقع ہو ۔جسے اس بحر میں ثلم کہا جا تا ہے ۔تو فعولن کے وتد مجموع ،،فعو،، کا پہلا حرف ف ساقط ہو جاتا ہے ۔جس کے بعد ،،عولن،، بچتا ہے ۔جسے مانوس رکن ،،فعلن،،بتسکین ع سے بدل لیتے ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ثرم۔۔۔یہ مرکب زحاف ہے ۔یعنی ثلم اور قبض کا اجتماع ۔جو ان کے بیک وقت لگنے سے وقوع پذیر ہوتا ہے ۔ثلم وتد مجموع پر لگنے والا زحاف ہے جبکہ قبض وہ زحاف ہے جو سبب خفیف کے لئے مخصوص ہے اور رکن کے پانچویں حرف پر سبب خفیف پر لگتا ہے۔یہ زحاف لگنے کے بعد،،فعولن،، کی شکل ،،عولُ،، بتحریک لام میں بدل جاتی ہے ۔جسے مانوس ،،فعلُ ُ ،، یا ،،فاع ُ سے بدل لیا جاتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مثال

۔۔۔۔۔۔۔۔۔۔۔۔۔۔۔۔۔۔۔

تڑپ رہا ہوں میں نیم بسمل

خبر لے میری شتاب قاتل

(طالب)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تقطیع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ت،ڑپ،ر /فعولُ /ہا ،ہو/فعلن/م،نی،م/فعولُ /بس،مل/فعلن

خ،بر،ل/فعولُ /مے،ری/فعلن/ش،تا،ب/فعولُ /قا،تل/فعلن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس وزن کو سولہ رکنی بھی استعمال کیا جاتا ہے ۔یعنی ہر مصرع میں چار کی جگہ آٹھ رکن ہوتے ہیں۔

مثال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جو کوئی ہم سے ستم کشوں کوعبث ستا کر خفا کرے گا

یہی کہیں گے کہ جاؤ صاحب خدا تمہارا بھلا کرے گا

(انشا)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تقطیع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ج،کو،ی,/فعولُ /ہم،سے/فعلن/س،تم،ک/فعولُ /شو،کو /فعلن/ع،بث،س/فعولُ / تا،کر/فعلن/خ،فا،ک/فعولُ /رے ،گا/فعلن

ی،ہی،ک/فعولُ /ہے،گے/فعلن/ک،جا،و/ فعولُ /صا،حب/فعلن/خ،دا،ت/فعولُ / ما،را/ فعلن/ ب،لا،ک/فعولُ/ رے،گا/فعلن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بحر متقارب مثمن اثرم سالم الآ خر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارکان بحر۔۔۔فعل۔فعولن۔فعل ۔فعولن۔دوبار ۔یا۔فاع۔فعولن۔فاع۔فعولن ۔دو بار۔یا۔ان کا اختلاط بھی جائز ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مثال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

باغ و بہار جاہ و مناصب

نقش و نگار مسند ثروت

(شیریں)

تقطیع

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

با،غ/فعل یا فاع/ب،ہا،رے/فعولن/جا،ہ/فعل یا فاع/م،نا،صب/فعولن

نق،ش/فاع یا فعل/ن،گا،رے/فعولن/مس،ن/فاع یا فعل/د،ثر،وت/فعولن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشق کے لئے ایک شعر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

درد رواں نے پیر نکالا

عمر ا بد نے مار ہی ڈالا

( مومن)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اہم نوٹ۔

۔۔۔۔۔۔۔۔۔۔۔۔۔

خیال رہے کہ بحر متقارب کی ان مزاحف صورتوں میں سالم رکن ،،فعولن،،شروع میں نہیں آسکتا۔یعنی مصاریع اس رکن سے شروع نہیں ہو سکتے۔باقی یہ ہر جگہ آ سکتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بقیہ اگلے سبق میں