بحر متقارب(4)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئیے۔اب اس بحر کو مختلف زحافوں کے عمل کے بعد دیکھتے ہیں۔کہ سالم بحر کیا کیا صورتیں بدلتی ہے۔اور اسے عمل زحاف کے بعد کیسے موسوم کیا جاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سب سے پہلے وتد مجموع پر عمل ہونے کے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
متقارب مثمن اثلم سالم الآخر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رکن ،،فعولن،، کے وتد مجموع پر زحاف ثلم کے عمل سے،، فعو،، کا ف ساقط ہوا ۔باقی بچا۔۔عولن ۔جو،، فعلن ،، بسکون ع سے بدل لیا
۔۔۔۔۔۔۔۔۔۔۔۔۔۔۔۔۔۔۔
مثال(۱)
۔پہلے مصرع کا پہلا(یعنی جسے صدر بھی کہتے ہیں) اور تیسرا رکن (جسے حشو کہا جاتا ہے)،دوسرے مصرع کا بھی پہلا(جسے ابتدا بھی کہتے ہیں) اور تیسرا رکن اثلم ہے۔لیکن دونوں مصاریع کے آخری ارکان سالم ہیں
(علم العروض کی زبان میں اسے ،صدر و ابتدا اثلم اور عروض و ضرب سالم ،کہتے ہیں )
۔۔۔۔۔۔۔۔۔۔۔۔۔۔۔۔۔۔۔
ہر شے مسافر ہر چیز راہی
کیا چاند تارے کیا مرغ و ماہی
(اقبال)
۔۔۔۔۔۔۔۔۔۔۔۔۔۔۔۔
تقطیع
۔۔۔۔۔۔۔۔۔۔۔۔۔۔۔
ہر شے /فعلن /م,سا، فر/فعولن /ہر چی /فعلن /ز,راہی /فعولن
کا چا/فعلن /د،تا، رے /فعولن /کا, مُر/فعلن/غ ,ما ,ہی /فعولن
۔۔۔۔۔۔۔۔۔۔۔۔۔۔۔
نکات تقطیع
۔۔۔۔۔۔۔۔۔۔۔۔۔۔
۱۔کیا کی درمیانی ے گر گئی اور تقطیع میں محسوب نہیں ہوئی
۲۔ ہندی لفظ چاند کی نون غنّہ خود سے پہلے الف یعنی حرف علّت ہونے کی وجہ سے ساقط ہو کر شمار نہیں ہوئی
۳۔مرغ و ماہی کے درمیان کا واؤ عطف تقطیع میں ساقط ہو گیا
اہم نوٹ ۔۔حشو میں بجائے فعولن ،مسبّغ رکن فعولان ،،بھی لایا جا سکتا ہے۔یہ عمل شعر کے دونوں مصاریع میں جائز ہے
امثال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جام مئے عشق موند آنکھ پی جا
ہے ایک ہی گھونٹ کڑوا ،کسیلا
(انشا)
۔۔۔۔۔۔۔۔۔۔۔۔۔۔۔
تقطیع
۔۔۔۔۔۔۔۔۔۔۔۔۔۔
جا،مے/فعلن/م،ئے،عش،ق/فعولان/مو،دا/فعلن/ک،پی،جا/فعولن
ہے،اے/فعلن/ک،ہی،گو،ٹ/فعولان/کڑ،وا/فعلن/ک،سے،لا/فعولن
۔۔۔۔۔۔۔۔۔۔۔۔۔۔۔۔
نکات تقطیع
۔۔۔۔۔۔۔۔۔۔۔۔۔۔۔۔
۱۔موند،ہندی لفظ کا نون غنّہ تقطیع میں گر گیا اور د ال آنکھ کے الف سے مل گیا
۲۔آنکھ کی دو چشمی ھ ساقط ہو گئی،اسی طرح دوسرے مصرع میں گھونٹ کی نون غنّہ اور دوچشمی ھ تقطیع میں از روئے قواعدگر گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتے تھے مذکور میرا ،تمھارا
فرہاد و شیریں ،مجنوں و لیلےٰ
(انشا)
۔۔۔۔۔۔۔۔۔۔۔۔۔۔۔۔۔۔۔
تقطیع
۔۔۔۔۔۔۔۔۔۔۔۔۔۔۔۔۔۔۔۔
کر،تے/فعلن/ت،مذ،کو،ر/فعولان/مے،را/فعلن/ت،ما،را/فعولن
فر،ہا/فعلن/د،شی،ری/فعولن/مج،نو/فعلن/و،لے،لا/فعولن
۔۔۔۔۔۔۔۔۔۔۔۔۔۔۔۔۔۔۔
نکات تقطیع
۔۔۔۔۔۔۔۔۔۔۔۔۔۔۔۔۔۔
تمھارا کی دوچشمی ھ،شیریں کا نون غنّہ اور فرہاد و شیریں کا واؤ عطف ساقط ہوا ۔جبکہ مجنوں و لیلےٰ کے واؤ عطف کو تقطیع میں محسوب کیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(۲) متقارب مثمن اثلم۔۔(تمام رکن اثلم)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مثال
۔۔۔۔۔۔۔۔۔۔۔۔۔۔۔۔۔۔۔
دیکھ اُس رُخ کی نور افشانی
شمعِ مجلس ،پانی پانی
(میر تقی میر)
۔۔۔۔۔۔۔۔۔۔۔۔۔۔۔
تقطیع
۔۔۔۔۔۔۔۔۔۔۔۔۔۔
دے،کس /فعلن/رخ،کی/فعلن/نو،رف/فعلن/شا،نی/فعلن
شم،عے/فعلن/مج،لس/فعلن/پا،نی/فعلن/پا،نی/فعلن
۔۔۔۔۔۔۔۔۔۔۔۔۔۔۔۔۔۔
نکات تقطیع
۔۔۔۔۔۔۔۔۔۔۔۔۔۔۔۔
۱۔دیکھ ،کی ہائے دو چشمی تقطیع میں سا قط ہوئی
۲۔دیک۔ کا ۔کاف ۔اُس ۔کے س سے مل گیا ۔یعنی اُس کے الف نے تقطیع میں دیک کے کاف کو وصول کر لیا اور خودگر گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
باقی اگلے سبق میں ۔
