زحاف
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تسکینِ اَوسَط
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(اوسط کا الف اور سین متحرک)
تسکینِ اوسط بھی ایک مفرد زحاف ہے ۔بشرطیکہ یہ کسی رکن میں واقع ہو۔لیکن اسے الگ بیان کرنےکی ایک خاص وجہ یہ ہے کہ دو اراکین کے مابین اسے لاگو کرنے کے بعد رکن جو شکل اختیار کرتے ہیں ۔وہ ایک انتہائی دلچپ صورتحال کو جنم دیتی ہے ۔بہرحال اُس کاتو اس کی وضاحت کرنے پر ہی علم ہوگا کہ وہ صورتحال کیا ہے ۔فی الحال
ایک یاد رکھنے والی اہم بات یہ ہے کہ تمام زحافوں میں سے صرف تین زحاف ایسے ہیں ۔جو کسی بھی رکن میں کوئی اضافہ کر تے ہیں ۔جبکہ باقی زحاف رکن میں کمی کر کے ہی اس کی شکل بدلتے ہیں ۔اضافہ کرنے والے اُن تین زحافوں کے نام یہ ہیں۔
۱۔تسبیغ۔۲۔ترفیل۔۳۔اذالہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تسکین اوسط۔۔کی تعریف یہ ہے کہ اگر ایک رکن یا دو ارکان کے مابین تین حرکتیں اکھٹی ہو جائیں۔یعنی متوالی ہوں ۔تو وسطی حرکت کو ساکن کیا
جا سکتا ہے ۔اگر یہ حرکتیں ایک ہی رکن پر ہوں تو اسے ۔تسکین۔کہا جاتا ہے اورمزاحف۔مسکّن ۔کہلاتا ہے۔ اگر یہ دو اراکین کے مابین ہوں تو درمیانی حرکت کو ساکن کرنے کے عمل کو۔تحنیق۔یا۔تخنیق کہتے ہیں ۔اور مزاحف کو محنّق
امثال
۱۔تسکین۔۔۔۔اگر رکن پر تین حرکتیں متوالی ہوں ۔۔جیسے ۔متفاعلن۔کی میم،تائے فوقانی اور ف ۔۔متحرک ہیں ۔
اب اس رکن میں وسطی حرکت حرف ت پر ہے جسے ساکن کیا تو رکن۔بہ سکون ت ۔ متفاعلن ۔ہوا۔جسے مروّج ۔مستفعلن ۔سے بدل لیا۔
۲۔تحنیق۔۔اگر دو اراکین کے اکھٹا ہونے سے تین متوالی حرکات آ جائیں ۔تو ان کی وسطی حرکت کو ساکن کرنے کے عمل کو ۔تحنیق۔کہتے ہیں۔
فرض کیجئے کہ ایک بحر میں یہ دو اراکین اکھٹے ہو جاتے ہیں
مفعولُ مفاعلن۔یا۔۔مفعولُ مفاعیلن
اب اگر آپ غور سے دیکھیں تو آپ کو مفعول کا لام ،مفا علن کی میم اورفے ۔تینوں یکے بعد دیگرے متحرک نظر آئیں گے۔اس صورت میں
دونوں ارکان کی وسطی میم اگر سا کن کر دی جائے تو اراکین کی صورت یہ بنے گی۔مفعولم فاعلن۔۔۔اب مفعولم چونکہ مستعمل نہیں ۔اس لئے
اسے اس کے ہم وزن مانوس لفظ ۔مفعولن سے بدل لیا تو اراکین کی شکل جو پہلے ۔۔مفعولُ مفاعلن تھی ۔تحنیق ۔کے بعد۔مفعولن فاعلن ۔
ہو گئی ۔ہے نا دلچسپ بات؟۔۔یہ عمل کیا کیا فریب دیتے ہیں ۔انہیں پہچاننے کی مشق آپ کو تقطیع کے دوران ہو گی۔تو آپ یہ دیکھیں گے کہ
جو لوگ ۔تسکین اوسط ۔سے بے خبر ہوں ۔وہ اپنے آپ کو عروض کا ماہر ثابت کرنے کے لئےبلا کی عجلت اور ڈھٹائی سے بلا سوچے سمجھے کسی شعر کے بے وزن ہونے یا بے بحر ہونے کا حکم لگا دیتے ہیں۔لیکن امید ہے کہ اسے جاننے کے بعد آپ کو اس قسم کی کوئی احمقانہ حرکت کر نے کی ضرورت پیش نہیں آئے گی۔
