بحر متقارب—7
(تسکین اوسط)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک اہم نوٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یاد رکھئے کہ،، تسکین و تخنیق،، زحاف شمار ہونے کے باوجود زحاف نہیں بلکہ ایک عمل ہے جو اپنی شرائط پر کہیں اور کسی بھی رکن پر واقع ہو سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس سبق میں آپ کو یہ دکھایا اور سکھایا جائے گا کہ تسکین و تخنیق کے نتیجے میں اس بحر میں کتنی تبدیلیاں اور صورتیں ہو سکتی ہیں ۔ظاہر ہے کہ ایک مختصر سبق میں اُن تمام صورتوں کو پیش نہیں کیا جا سکتا۔لیکن آپ کی آگہی اور دلچسپی کے علاوہ آپ کی ضرورت کے پیش نظر جتنی امثال پیش کروں گا ۔وہ آپ کو اس کھیل کے سمجھنے اور کئی الجھنیں دور کرنے میں ممد ثابت ہو ں گی۔فی الحال آپ یہ بھول جائیں کہ اس مزاحف بحر متقارب کو کیا کہتے ہیں ۔صرف یہ سمجھنے کی کوشش کریں کہ بحر متقارب کے ان ارکان پر کس کس زحاف کے لگنے اور تسکین و تخنیق کے عمل کے نتیجے میں کن صورتوں نے جنم لیا ہے۔نیز یہ بھی یاد رکھیں کہ اس بحر کے مزاحف ارکان کا اختلاط اس بحر میں ہر طرح جائز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئیے خدائے سخن میر تقی میر کی مثنوی،،جوش عشق،، کے کچھ اشعار دیکھتے ہیں۔آخری چار اشعار،، ظفر ،، کے ہیں۔دائیں ہاتھ پر اشعار اور بائیں ہاتھ پر ان کی تقطیع درج ذیل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صبر نے چاہی دل سے رخصت۔ ۔۔۔۔۔۔۔۔فعل/فعولن/فعلن/فعلن
تاب نے ڈھونڈی اک دم فرصت۔۔۔۔۔۔ فعل/فعولن/فعلن/فعلن
خواب و خورش کا نام نہ آیا۔۔۔۔۔۔۔۔۔۔۔ ۔فعل/فعولن/فعل/فعولن
ایک گھڑی آرام نہ پایا ۔۔۔۔۔۔۔۔۔۔۔۔۔فعل/فعولن/فعل/فعولن
گل آشفتہ اُس کے رُو کا۔۔۔۔۔۔۔۔۔۔۔۔فعلن/فعلن/فعلن/فعلن
سُنبل اک زنجیری مُو کا۔۔۔۔۔۔۔۔۔۔۔۔فعل/فعلن/فعلن/فعلن
جب وہ چہرہ تابندہ ہو۔۔ ۔۔۔۔۔۔۔۔۔۔فعلن/فعلن/فعلن/فعلن
ماہِ دو ہفتہ شرمندہ ہو۔۔۔۔۔۔۔۔۔۔۔۔۔فعل/فعولن/فعلن/فعلن
چشم برہ سارا چمن اُس کا۔۔۔ ۔۔۔۔۔۔۔فعل/فعولن/فعل/فعولن
نقشِ قدم تھا یا سَمَن اُس کا۔۔۔۔۔۔۔۔۔فعل/فعولن/فعل/فعولن
ہنسنے میں وہ صفائے دنداں۔۔۔۔۔۔۔۔۔فعلن/فعل/فعولن/فعلن
برقِ خرمن عالمِ امکاں۔۔۔۔۔۔۔۔۔۔ فعلن/فعلن/فعل/فعولن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گذرے جو ہم پر کیا کہویں۔۔۔۔۔۔۔۔فعل/فعولن/فعلن/فع
پوچھ نہ دلبر کیا کہویں۔۔۔۔۔۔۔۔۔۔۔فعل/فعولن/فعلن/فع
رُخ کو ترے خورشید کہیں۔۔۔۔۔۔۔۔فعلُ /فعولن/فعلُ /فَعَل
ماہِ انور کیا کہویں۔۔۔۔۔۔۔۔۔۔۔۔فعلن/فعلن/فعلن/فع
اُس کو سکھاتا کیا کیاشہ۔۔۔۔۔۔۔۔۔فعلُ /فعولن/فعلن/فع
کوئی بشر دو دن سے ہے۔۔۔۔۔۔۔فاع/فعول/فعلن/فع
پھرتا ہے وہ ماہ کہاں۔۔۔۔۔۔۔۔۔فعلن/فعلن/فعل/فَعَل
خالی گھر دو دن سے ہے۔۔۔۔۔۔فعلن/فعلن/فعلن/فع
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
باقی اگلے سبق میں۔
