بحر متقارب۔۔۔۳
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جمیل الر حمن
(۲)بحرِ متقارب مثمن سالم مضاعف (شانز دہ رکنی)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شعر کے ہر مصرع میں آٹھ مرتبہ ۔۔رکن ۔۔فعولن ۔۔کی تکرار ہو ۔اور مجموعی طور پر وہ دونوں مصرعوں میں سولہ مرتبہ آئے تو بحر کو
بحرِ متقارب سالم شانزدہ رکنی یا بحر متقارب مثمن سالم مضاعف کہتے ہیں ۔مضاعف کے معنی ہیں ۔۔ دگنا کرنا۔۔
بطور سالم یہ بحر اردو شعرا کے یہاں بہت کم مستعمل ہے ۔لیکن مزاحف شکل میں اقبال اور کچھ دیگر شعرا نے اسے استعمال کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امثال
شعر
تمنّا نہیں ہے کہ امدادِ دل کو تپش کا صلہ ہو کہ مُزدِ قلق ہو
یہی حق ہے قاتل اگر حق دلائے یہ بسمل ترے پاؤں پر جاں بحق ہو
(ذوق)
تقطیع
پہلا مصرع ت،من،نا/فعولن/ن،ہی،ہے/فعولن/ک،ام،دا/فعولن/د،دل،کو/فعولن/ت،پش،کا/فعولن/ص،لا،ہو/فعولن/ک،مز،دے/فعولن/ق،لق،ہو/فعولن
دوسرا مصرع
ی،ہی،حق/فعولن/ہ،قا،تل/فعولن/ا،گر،حق/فعولن/د،لا،ئے/فعولن/ی،بس،مل/فعولن/ت،رے،پا/فعولن/ء ،پر،جا/فعولن/ب،حق،ہو/فعولن
نکات تقطیع
پاؤں کا اصل تلفظ اور وزن ۔۔فعل بسکون عین ہے۔اس لئے یہ واؤ اس واؤ کی طرح شمار نہیں ہوگا ۔جسے ہم نے گھنگرؤں میں دو حرفی محسوب کیا تھا۔
گاؤں ،پاؤں اور چھاؤں جیسے الفاظ ہمیشہ فعل بسکون عین کے وزن پر محسوب ہوتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شعر
یہ عمّانِ معنی وہ ہے رشکِ جیحوں کہ ہر حرف جس کا ہے اک دُرِّ مکنوں
لگاتی ہے غوطہ جدھر طبعِ موزوں،اُٹھا لاتی ہے گوہرِ تازہ مضموں
( نظام جاورہ)
ع
پہلا مصرع
ی،عم،ما/فعولن/ن،مع،نی/فعولن/و،ہے،رش/فعولن/ک،جی،حو/فعولن/ک،ہر،حر/فعولن/ف،جس،کا/فعولن/ہ، اک،در/فعولن/ر،مک،نو/فعولن
دوسرا مصرع
ل،گا،تی/فعولن/ہ،غو،طا/فعولن/ج،در،طب/فعولن/ع، مو،زو/فعولن/ا ، ٹا،لا/فعولن/ت،ہے،گو/فعولن/ہ،رے،تا/فعولن/ز،مض،مو/فعولن
نکات تقطیع۔عمان کی میم اور در کی رے پر تشدید ہے ۔لہٰذا میم اور رے دو دو حرفی محسوب ہوں گی۔
مشق
اس شعر کی تقطیع کریں
اسی آ ٓگ میں سینکڑوں سال کے امن اور آشتی کی چتا جل رہی ہے
ادب مٹ رہا ہے،ہنر مر رہا ہے،وفا پھنک رہی ہے،حیا جل رہی ہے
( آغا صادق)
باقی آئیندہ قسط میں
