۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ نے تسکین و تخنیق کے نتیجے میں مزاحف کو بدلتے اور اِ س کے نتیجے میںآہنگ کے مختلف مظاہر مشاہدہ کر لئے ۔لیکن میں چاہوں گا کہ ابھی اس کھیل کو مزید جاری رکھا جائے ۔تاکہ یہ مسئلہ مکمل طور پر آپ کے ذہن نشین ہو جائے ۔اِس سبق کے بعدمیں آپ کو بتدریج امثال دے کر زیادہ وضاحت سے اس کھیل کو خوشگوار بنانے کی کوشش کروں گا۔لیکن اس سے پہلے آپ کے لئے یہ بھی جاننا ضروری ہے کہ کسی مزاحف بحر کا نام کیسے تجویز کیا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر کسی بحر کے صرف دو، دو ،رکن شعر کے ہر مصرع میں استعمال کئے جائیں۔جو ایک شعر کے ہر مصرع میں استعمال کئے جانے کی کم ازکم لازمی تعداد ہے ۔
تو
اراکین کی ترتیب یہ ہوگی۔مثلا
پہلا مصرع۔۔۔ ( صدر)۔۔۔۔فعولن/ فعولن۔۔۔۔۔۔۔(عروض)
دوسرا مصرع۔۔ ( ابتدا)۔۔۔۔۔ فعولن /فعولن۔۔۔۔۔۔۔(ضرب)
صدر ۔۔ عروض۔۔۔پہلے مصرع کے پہلے رکن کو،، صدر ،،۔اور۔۔آخری رکن کو، ،عروض ،، کہتے ہیں
ابتدا ۔۔ضرب۔۔۔۔دوسرے مصرع کے پہلے رکن کو ،،ابتدا ،، اور آخری رکن کو ،،ضرب ،، کہتے ہیں
۔۔۔۔۔۔۔۔۔۔۔۔۔۔
اگر کسی بحر میں تین،تین، رکن شعر کے ہر مصرع میں استعمال کئے جائیں ۔تو اُن کی ترتیب یہ ہو گی۔مثلا
فعولن xفعولنxپہلا مصرع۔۔فعولن
عروضxحشوx صدر
فعولن xفعولنxدوسرا مصرع فعولن
ضرب x حشو xابتدا
آپ نے دیکھا کہ درمیانی رکن کو ،،حشو،، کہا جاتا ہے۔
یہ تو کہنے کی ضرورت ہی نہیں کہ اگر بحر کی یہ صورت ہوگی تو وہ ،،مسدّس بحر،،کہلائے گی ۔جس کے
ہر مصرع میں صرف ایک ،،حشو،، ہو گا۔
جبکہ دو اراکین والے مصرع میں حشو نہیں تھا اور نہ کبھی ہوتا ہے!
۔۔۔۔۔۔۔۔۔۔۔
لیکن عام طور پر ہم چار رکنی بحر استعمال کرتے ہیں۔مثلا …فعولن /فعولن/فعولن/فعولن۔۔۔۔تو پھر ترتیب کی صورت کیا ہو سکتی ہے ؟
کیا یہ بتانے کی ضرورت ہے کہ شعرکی ترتیب ہر مصرع میں یہ نقشہ پیش کرے گی
عروض xحشوxحشوxپہلا مصرع۔۔۔۔۔ صدر
ضربxحشوxحشوx دوسرا مصرع۔۔۔۔ ابتدا
۔۔۔۔۔۔۔۔۔۔
ہم نے کیا سیکھا ؟ یہ سیکھا کہ ہر شعر میں اراکین کی نشست کے اعتبار سے دو ،تین ،چار یا مضاعف یعنی دوگنا ہونے کی صورت میں آٹھ ٹکڑے ہوتے ہیں ۔
پہلے مصرع کے پہلے حصّے یا ٹکڑے کو ۔۔۔۔صدر۔۔اور آخری ٹکڑے کو ۔۔۔۔عروض۔۔۔کہتے ہیں
جبکہ دوسرے مصرع کے پہلے حصّے یا ٹکڑے کو۔۔ ابتدا ۔۔اور آخری رکن ،ٹکڑے یا حصّے کو ۔۔ضرب ۔۔۔کہتے ہیں ۔
دونوں مصاریع کے درمیان باقی تمام حصوں کو۔۔ حشو۔۔ کہا جا تا ہے۔
اچھا ۔۔۔تو ہمیں یہ سیکھنے کی ضرورت ہی کیا تھی کہ ان ٹکڑوں یاحصوں کے کسی بھی بحر میں کہے گئے شعر میں اُن کی نشست کے اعتبار سے کیا نام ہیں ؟
اس کا جواب یہ ہے کہ کسی بھی بحر کا نام شعر کے صدر و ابتدا اورعروض و ضرب کو جاننے کے بعد ہی رکھا جا سکتا ہے ۔جس سے یہ بھی پتہ چلتا ہے کہ وہ بحر مزاحف ہے یا سالم اراکین پر مشتمل ہے ۔اسی طرح بحر کا نام پڑھ کر ہی ہم سمجھ لیتے ہیں کہ اس میں ہر رکن کی نشست یا جگہ کہاں ہے۔
مثلا۔۔۔۔۔۔۔۔۔
جب ہم کہتے ہیں
۔۔۔متقارب۔۔ مثمن ۔۔سالم ۔۔۔۔تو ہم سمجھ لیتے ہیں کہ یہ بحر متقارب ہے۔۔اس میں دونوں مصاریع میں چار چار یعنی کُل آٹھ رکن استعمال کئے گئے ہیں ،اس لئے یہ ،، مثمن،، ہے۔۔اور ،، سالم ،، ہمیں یہ خبر دیتا ہے کہ اس کے کسی بھی رکن پر کوئی زحاف نہیں لگا۔۔
۔۔۔اگر،،متقارب۔اثلم ۔سالم ،،۔۔لکھا ہو تو ہمیں فورا معلوم ہو جاتا ہے کہ بحر متقارب میں پہلا فعولن ۔۔فعولن کی بجائے فعلن ہے ۔کیونکہ اُس پر
زحاف ،،ثلم ،، کا عمل ہو چکا ہے جبکہ،، سالم ،، سے یہ خبر ملتی ہے کہ عروض و ضرب کا آخری رکن ،،فعولن،، ہی ہے۔
۔۔اگر متقارب ۔اثرم ۔مقبوض ۔محذوف/مقصور۔۔لکھا آئے ۔تو کا مطلب یہ سمجھئے کہ بنیادی رکن ،،فعولن،، پر دو زحافوں نے عمل کیا ہوا ہے ،،ثرم ۔،،۔جو ثلم اور قبض کا اجتماعی اور مرکب زحاف ہے۔اُس کے نتیجے میں ،،فعولن،،عُولُ ،، یعنی،، فعلُ ،،بتحریک ل بنا ہے جبکہ ایک بنیادی رکن ،،فعولن ، پر زحاف قبض نے عمل کر کے اُسے۔۔فعولُ ۔۔بنا دیا ہے ۔اور محذوف /مقصور کا مطلب یہ ہے کہ آخری رکن پر ایک مصرع میں زحاف ،،حذف،، نے
عمل کر کے اُسے،،فعل،،بسکون ،،ل،، و بتحریک ف ع ،، میں بدل دیا ہے جبکہ دوسرے مصرع کے آخری رکن پر ،،زحاف قصر،، نے عمل کر کے اُسے
،،فعول،، بسکون ل بنا دیا ہے ۔
۔۔۔۔۔۔۔۔۔۔
آپ نے دیکھ لیا کہ ہمارے لئے یہ جاننا کیوں ضروری تھا کہ بحر کا نام ہمیں کیا بتا سکتا ہے ۔اور اُس میں ہر رکن کی جگہ کہاں اور کس شکل میں ہے ۔آپ چاہیں تو اسے یاد رکھیں ۔چاہیں تو بھول جائیں ۔لیکن آپ کو کسی بھی بحر کے ایسے نام پڑھتے ہوئے یہ اندازہ ضرور ہونا چاہئے کہ وہ نام کس تفصیل کو ظاہر کر رہا ہے۔؟؟؟
باقی اگلی قسط میں
