گذشتہ قسط میں حرف الف کو گرانے کے بارے میں ابتدائی سطح پر پیچیدہ عروضی مباحث سے صرف نظر کرتے ہوئے ہم ان نتائج پر پہنچے کہ
1۔کسی بھی لفظ کا درمیانی الف صرف اسی صورت میں ساقط کیا جا سکتا ہے اگر اُس کے گرانے سے اس لفظ کے معنی تبدیل ہونے کا احتمال نہ ہو۔
2۔ہر وہ لفظ جو الف سے شروع ہوتا ہے اگر وہ درمیان یا آخر مصرع میں آئے تو اس کے الف کو گرایا جا سکتا ہے۔
3۔ کسی بھی لفظ کے آخری الف کو گرایا جا سکتا ہے ۔مگر ایسا کرنے سے زیادہ ترصوتی آہنگ کے مجروح ہونے کا اندیشہ ہو تا ہے ۔اس لئے جب فنی مہارت حاصل ہو جائے تو ایسے الف کو گرانے سے احتراز کرنا ہی بہتر ہے۔
4۔اب ایک اہم بات یہ ہے کہ مرکب افعال میں الف کو گرانے سے وہی مسئلہ ہو گا جس سے یا تو صوتی آہنگ بگڑ جائے گا یا معانی تبدیل ہو جائیں گے ۔مثلا ۔۔ کھاسکنا۔۔کھسکنا ۔۔مین بدل جا ئے گا یا ۔۔جا لیا ۔۔۔جلیا پڑھا جائے گا۔اس لئے احتراز کرنا ہی بہتر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*حرف ۔۔و۔۔۔۔ کے بیان میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حرف ۔۔۔و۔۔۔۔۔بنیادی طور پر پیش ُ کی حرکت کا قائم مقام ہے۔ چونکہ یہ ایک ایسا حرف ہے ۔جس کی کئی اقسام ہیں ۔اس لئے سب سے پہلے ہمیں یہ علم ہونا چاہئے کہ اس ایک حرف کی کئی اقسام کیوں ہین ۔اگر ہم اس الجھن کا شکار ہو گئے کہ ایک حرف کی کئی اقسام کیسے ہو سکتی ہیں تو پھر ہم اس کے بارے میں ہماری سمجھ کسی ٹھکانے نہیں لگنے والی۔۔تو اقسام سے مراد یہ ہے کہ یہ حرف ہماری زبان کے جس لفظ میں استعمال ہو ۔وہاں اس کی آواز کسی دوسرے لفظ سے مختلف ہوتی ہے ۔کیونکہ ہماری زبان بہت سی زبانوں سے مل کر بنی ہے ۔اس لئے جس زبان سے بھی ایک لفظ ۔۔حرف ۔۔و۔۔کے ساتھ اردو میں آیا ہے ۔وہ اُس زبان کے لہجے کے مطابق یا تو اپنی آواز ساتھ لایا ہے یا پھر مقامی سطح پر اس نے اپنی الگ آواز اختیار کر لی ہے۔ان آوازوں میں امتیاز کرنے کے لئے علماے اردو نے ان کے لئے پانچ اصطلاحیں وضع کی ہیں ۔عمومی دلچسپی کے لئے میں ان اصطلاحوں یا اقسام کے نام لکھ دیتا ہوں ۔مگر ان اصطلاحوں کو یاد کرنے کے بجائے آپ اس بات پر غور کریں کہ یہ آوازیں کیسی ہین۔
1- وائو معدولہ۔۔۔۔۔جیسے خود یا خوش میں۔۔۔جو بولتے ہوئے سننے میں نہیں آتی
2وائو معروف۔۔۔۔۔۔جسے پورا ادا کیا جائے۔۔جیسے آنسو میں۔ اُو کی مکمل آواز ۔
3۔وائو مجہول۔۔۔جو پورا ادا نہ ہو یا او کی آواز زبر اور پیش کی درمیانی آواز کی طرح دے ۔جیسے ۔۔کو
4۔وائو لین۔۔۔۔۔۔۔اور ۔۔۔جب اسے ار ۔۔پڑھا جائے یا۔۔اور۔۔۔جب اسے پورا ادا کیا جائے۔۔۔اسی طرح غور ۔لاہور
5۔وائو عاطفہ
6۔وائو مخلوط۔۔۔جیسے سوانگ۔۔یہ بھی بولتے ہوئے سننے میں نہیں آتی
۔۔۔۔۔
چھ اقسام کے یہ وائو بارہ طریقوں سے زیر تقطیع آتے ہیں ۔لیکن آپ کو اس ابتدائی سطح پر اس جھمیلے میں پڑنے کی ضرورت نہیں ۔آپ فی الحال وہ سیکھئے جو میں سکھا رہا ہوں۔
۔۔۔۔۔۔۔۔۔
اگر وائو سے کوئی لفظ شروع ہوتا ہے تو ظاہر ہے کہ وہ وائو نہیں گر سکتا ورنہ لفظ ہی غتربود ہو جائے گا یا اس کے معنی بدل جائیں گے ۔مثلا اگر وقت کا وائو ساقط کر دیا جائے تو کچھ نہیں بچے گا ۔اسی طرح لفظ۔۔وہم ۔۔کو لیجئے ۔اگر و ساقط کر دیا جائے تو ہم بچے گا ۔جس کا وہم کے معنی سے کوئی تعلق نہیں ۔اس لئے یہ سمجھ لیجئے کہ جو لفظ ۔۔حرف و ۔۔۔۔سے شروع ہو اس کا پہلا و کسی صورت نہیں گر سکتا
2۔اسی طرح اگر ۔۔۔حرف و ۔۔کسی لفظ کے وسط میں آئے تو اسے بھی ساقط نہیں کیا جا سکتا ۔مثلا اگر قوم۔یوم۔بول۔۔۔کا درمیانی و ساقط کر دیا جائے تو ان الفاظ کے معانی ہی بدل جائیں گے
3۔ کسی لفظ کے درمیان موجود صرف وہی و تقطیع میں گرتا ہے جو لکھنے میں تو آئے مگر بولنے میں نہ آئے ۔۔۔جیسے لفظ۔۔خوشبو میں۔۔یا لفظ ۔۔اور کے درمیان کا وائو ۔۔اگر وہ عطفی معنی دے ۔۔جیسے
بھڑا دے منہ سے منہ ساقی ہمارا اور گلابی کا۔
۔۔۔۔۔۔۔۔۔۔۔۔۔
آخر کلمہ یا لفظ کے ہر وائو کو ساقط کیا جاسکتا ہے۔۔یہ الگ بحث ہے کہ وہ کہاں معیوب ہے یا ناگوار ہے۔لیکن اصول یہی سامنے رہنا چاہئے کہ اسے گرایا جا سکتا ہے ۔علما نے فارسی الفاظ ۔۔مثلا خوشبو،گفتگو جیسے الفاظ کو گرانے کی سخت ممانعت کی ہے ۔کیونکہ ایسا کرنے سے یا تو وہ بے معنی ہو جاتے ہیں یا ان کے معانی بدل جاتے ہیں ۔مگر یہ ایک طویل بحث ہے ۔آُپ عروض میں مہارت حاصل کرنے تک اور اس سطح پر صرف یہ یاد رکھیں کہ آخری و کو گرایا جا سکتا ہے ۔
اسی طرح اگر کسی لفظ میں۔۔جس میں و ۔۔نون غنہ ۔۔سے پہلے ہو ۔ جو عام طور پر جمع الجمع کی شکل میں ہوتا ہے۔۔جیسے لوگوں۔۔۔۔عام طور پر اسے گرانا اچھا نہیں سمجھا جاتا کیونکہ پھر لوگوں کا لفظ ۔۔لوگ میں بدل جائے گا ۔مگر لوگوں چونکہ جمع الجمع ہے اس لئے اسے گرانے پر کوئی پابندی نہیں۔
