پہلے تو یہ دیکھئے کہ عنوان جمع کے صیغے میں ہے۔۔یعنی بحور۔۔بحر کی جمع ۔۔۔زحافات۔۔۔۔زحاف کی کی جمع الجمع اور دائرے ۔۔۔دائرہ کی جمع ہے۔
اس کے بعدفرض کیجئے کہ عمروعیار کی زنبیل کی طرح کا ایک ایسا جادوئی ڈبہ آپ کو دے دیا جائے جو آپ کی مٹھی میں سما جائے۔مگر جب کبھی ضرورت پڑے آپ اس میں دو سے لے کر سینکڑوں چھوٹے بڑے ڈبے تک رکھ سکیں ۔تو کیاآپ خوشی سے پھولے نہیں سمائیں گے۔یوں سمجھئے کہ ایک بحر اور اس کے زحافوں کا معاملہ بھی ایسا ہی ہے۔ایک بحر کو آپ وہ بکس سمجھ لیں اور اور ایک بحر کے تبدیل شدہ ارکان کو زحافات ۔۔۔۔۔۔۔۔جنہیں اس ڈبے میں رکھنے کے لئے چھوٹا بڑا کرنے کی ضرورت پڑتی ہے۔دائرے اصل میں ارکان عشرہ ۔۔۔۔۔۔۔۔۔۔۔ان دس اراکین کے الٹ پھیر سے(جن کی تفصیل پہلے بیان ہو چکی ہے) بحریں نکالنے کا طریق ہے ۔جن کی ایک عروض کے طالبعلم کو یاد رکھنے کی ضرورت تو نہیں لیکن اس کا جاننا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم نے گزشتہ اسباق میں سب سے پہلی بات یہ سیکھی تھی کہ تلفظ کے ساتھ ساتھ ۔۔جو ایک لفظ کی آوازوں کا تعین کر کے اسے اسباب و اوتاد میں تقسیم کرتا ہے ۔علم العروض ۔۔اسباب و اوتاد کی ترتیب کا حسابی کھیل ہے۔
اگر یہ بات آپ اچھی طرح سمجھ چکے ہوں تو آپ کو یہ علم بھی ہوگا کہ ہم نے ایسے دس رکن بھی دریافت کئے تھے ۔جن کی امداد لے کر ہم یہ کھیل کھیلتے ہیں ۔بغرض یاد دہانی ان دس ارکان کے نام اور اس کی ریاضی یہاں میں پھر درج کر دیتا ہوں تاکہ بات
سمجھنے میں آسانی ہو۔
1۔وتد مجموع +سبب خفیف=فعولن
2۔سبب خفیف+وتد مجموع =فاعلن
یہ دو ارکان خماسی ہیں ۔یعنی پانچ حرفوں پر مشتمل ہیں۔آپ نے دیکھا کہ کہ پہلے فعولن کو جب الٹ کر لکھا گیا تو وہ فاعلن ہو گیا ۔ اسے خماسی ارکان کا دائرہ کہا جاتا ہے
۔۔۔۔۔۔۔۔۔۔۔۔۔۔۔۔۔۔۔۔یہ پہلا اورخماسی اراکین کا دائرہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اور یہی عمل جب دوسرے ارکان پر بھی کیا جائے تو مختلف دائرے جنم لیتے ہیں جن میں ایک جیسے اراکین بھی ہوتے ہیں اور غیر یکساں اراکین بھی ۔غیر یکساں اراکین سے مراد یہ ہے کہ یا تو وہ پانچ حرفوں والے اراکین کی بحر ہوگی یا بانچ اور سباعی یعنی سات حرفوں والے اراکین پر مشتمل بحر۔
مثلا پانچ حرفوں والے دائرے میں اراکین کے الٹ پھیر سے دو بحور نکلیں ہیں ۔
جن کے بارے میں بعد میں بات ہوگی ۔اس وقت سمجھنے والی بات یہ ہے کہ دائرہ کیا ہے ۔اور دائرے سے بحور کیسے نکالی جاتی ہیں۔
3۔۔۔۔۔وتد مجموع+سبب خفیف +سبب خفیف =مفاعیلن
4۔۔۔۔۔سبب خفیف +وتد مجموع + سبب خفیف =فاعلا تن
5۔سبب خفیف +سبب خفیف +وتد مجموع =مستفعلن
یہ تین بحور کا دائرہ ہے ۔نوٹ کیجئے کہ یہ تینوں بحریں کس حسابی طریق پر کس طرح ایک دوسرے سے نکلی ہیں۔ جبکہ پہلا دائرہ دو بحور پر مشتمل تھا
نہیں سمجھے ۔ارے آپ نے دیکھا نہیں کہ پہلارکن مفاعیلن تین اجزا پر مشتمل ہے۔تو تین مرتبہ کے الٹ پھیر سے تین بحور ہی برآمد ہوں گی نا
۔۔۔۔۔۔۔۔۔۔۔۔۔۔۔۔۔۔۔۔
6۔ وتد مفروق+ سبب خفیف +سبب خفیف =فا ع لاتن
7۔ سبب خفیف + وتد مفروق + سبب خفیف=مس تفع لن
8۔ سبب خفیف + سبب خفیف +وتد مفروق =مفعو لا تُ
یہ تین بحور کا تیسرا دائرہ ہے۔جسے وتد مفروق کےاجزا مل کر جنم دیتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
9۔ وتد مجموع + فاصلہ (سبب ثقیل +سبب خفیف) =مفا علتن
10۔فاصلہ + وتد مجموع =متفا علن
یہ چوتھا دائرہ ہے ۔اور دو بحور پر مشتمل ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ تمام دائرے یکساں اراکین کی تکرار سے بننے والے دائرے تھے ۔جنہیں بحور مفردہ کہا جاتا ہے
