ابھی تک ہم نے ان زحافات کا مطالعہ کیا ہے۔جو سبب خفیف اور سبب ثقیل پر عمل کرتے ہیں ۔سبب خفیف والے رکن میں اگر ایک ہی سبب خفیف ہو تو یہ عمل
دوسرے مقام پر ہوتا ہے۔اور ایک سے زیادہ اسباب خفیف ہونے کی صورت میں ۔دوسرے۔چوتھے۔پانچویں۔اور ساتویں مقام پر بھی یہ عمل ہوتا ہے ۔جس کے لئے اس کے مختلف نام ہیں ۔بعض اوقات ایک سبب خفیف یا دو اسباب خفیف کو بھی ساقط کیا جا تا ہے ۔جملہ ء معترضہ کے طور پر آپ کی دلچسپی کے لئے بتاتا چلوں کہ عربی عروض میں تو زحاف ۔خزم کے تحت صدر میں چار حروف تک یعنی دو ایسے اسباب خفیف کا اضافہ بھی کیا جا سکتا ہے۔جو وزن میں محسوب نہیں ہوتے۔غالب نے اسی سے فائدہ اٹھاتے ہوئے اپنی وہ مشہور زمانہ رباعی لکھی۔۔دل رک رک کے بند ہو گیا ہے غالب۔۔جس کے شروع میں غالب نے ایک ایسا سبب خفیف رکھا جووزن مین محسوب نہیں ہوتاجس کی وجہ سے عروض کے اس زحاف پر دھیان نہ دینے والوں نے غالب کی اس رباعی کو بے وزن ٹھہرا یا ۔خیر یہ صرف آپ کے علم میں لانے کے لئے بیان کیا ہے ۔تا کہ جب آپ غالب کے بارے میں کوئی ایسا احمقانہ بیان سنیں تو آپ کو یہ زحاف یاد آ جائے۔
سبب ثقیل۔میں ہم نے وہ زحافات دیکھے جو اس کے دوسرے متحرک رکن کو ساکن یا ساقط کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج ہم اُن زحافوں کو سمجھنے کی کوشش کریں گے ۔جو وتد مجموع پر عمل کرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ یہ تو جان ہی گئے ہیں کہ وتد مجموع تین حروف کے ایسے جزو کو کہتے ہیں ۔جس کے پہلے دونوں حروف پر حرکت ہوتی ہے اور تیسرا حرف ساکن ہوتا ہے جیسے لفظ ۔نظر۔سے اسے سمجھا جا سکتا ہے۔
اب مزید سمجھنے والی اور اہم بات یہ ہے کہ وتد مجموع کے پہلے حرف کو گرانے کا عمل تو ایک ہی ہے ۔مگر مختلف ارکان میں اس کے مختلف نام ہیں ۔ہے تو یہ سر درد کہ ایک ہی عمل کے ہر جگہ مختلف نام ہوں مگر بحر کی تقطیع کرتے ہوئے جب مزاحف بحر کا نام بتانا ہوتا ہے تو ان ناموں کی ضرورت پڑتی ہے ۔ورنہ جہاں تک عمل کا تعلق ہے وہ ایک ہی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر رکن وتد مجموع سے شروع ہو تو سر وتد کو کاٹنے یا گرانے کے عمل کو خرم کرنا کہتے ہیں ۔جس کے مختلف نام ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٌٌٌزحاف۔خرم یا مخنّق۔۔۔۔۔۔مزاحف۔اخرم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۱۔مفاعیلن۔کے میم گرانے کو خرم کرنا کہتے ہیں ۔مزاحف ۔اخرم کہلاتا ہے۔
اگر مفاعیلن کا میم کاٹ دیا جائے تو باقی فاعیلن رہتا ہے ۔جسے اس کے مانوس وزن ۔مفعولن سے بدل لیتے ہیں ۔
یہ عام زحاف ہے ۔مگر جب صدر و ابتد کے بجائے حشو۔عروض یا ضرب میں آئے تو ۔۔مخنّق۔کہلاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف۔ثلم۔۔۔۔۔۔۔مزاحف۔اثلم
فعولن۔۔میں خرم ہو تواسے ثلم زحاف اور مزاحف کو اثلم کہتے ہیں ۔
فعولن کا ف ساقط ہوا تو باقی ۔عولن۔بچا ۔جسے اس کے مستعمل وزن۔فعلن۔بہ تسکین ع سے بدل لیتے ہیں ۔یہ بھی عام زحاف ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف۔عضب۔۔۔۔۔مزاحف۔اعضب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفاعلتن۔میں خرم ہوکر جب اُس کا میم گر جائے تو زحاف ۔عضب۔کہلاتا ہے اور اس کے مزاحف کو ۔اعضب ۔کہتے ہیں
مفاعلتن کا میم ساقط ہوا تو باقی ۔فاعلتن۔بچا۔جسے اس کے ہم وزن۔مفتعلن(میم پر پیش،ت پر زبر،ع کے نیچے زیر،ل پر پیش اور ن ساکن)
سے بدل لیتے ہیں ۔یہ زحاف صدر و ابتدا کے لئے مخصوص ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*زحاف۔۔۔۔بتر۔۔۔۔۔۔۔۔*مزاحف۔۔۔ابتر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس زحاف کا معاملہ یہ ہے کہ یہ زحاف مفرد بھی ہے اور مرکب بھی۔
فی الحال آپ مفرد زحاف کو دیکھئے ۔جو وتد مجموع ۔کے لئے مخصوص ہے۔
*اس سے سالم رکن کے ۔وتد مجموع کو ساقط کیا جاتا ہے اورمزاحف کو۔ابتر کہتے ہین۔
امثال
*فعولن۔۔۔کا وتد مجموع۔فعو۔بتر کے بعد ساقط ہوا۔باقی ۔لُن۔رہا ۔جسےہم وزن۔فع۔سے بدل لیا۔
*مفاعیلن۔۔۔ زحاف بتر۔ سےرکن۔۔ مفاعیلن۔۔ کا وتد مجموع۔۔مفا۔۔ ساقط ہوا۔۔
باقی۔عیلن بچا ۔جسے اُس کے ہموزن۔فعلن۔سے بدل لیا۔
*مفا علتن۔۔کا وتدمجموع ۔مفا۔گرا تو باقی ۔ع ل تن ۔بچا۔جسے اس کے ہم وزن ۔ف ع لن (ف،ع،متحرک)۔ سے بدل لیا۔
