تلفظ ۔۔اگر عروض سیکھنے کے لئے اسم اعظم کا حکم رکھتا ہے ۔تو اس کا مطلب یہ ہے کہ ہمیں یہ علم ہونا چاہئے کہ لفظ کتنے حروف اور کتنی حرکات پر مشتمل ہے ۔اردو میں کوئی لفظ سات حروف سے زیادہ نہیں ہے ۔یعنی آپ لفظ۔دل ۔کومختصر ترین اور لفظ ۔استقبال۔ کو اردو کا طویل ترین لفظ فرض کر سکتے ہیں۔
اگر کوئی لفظ دو یا دو سے زیادہ حروف پر مشتمل ہو تو اس کی مختلف شکلیں ہوتی ہیں۔مثلا
۱۔دو حرفی لفظ ٭۔۔۔۔ ۔۔۔۔۔۔۔۔۔۔۔۔دل۔۔دال کے نیچے زیر ۔لام پر جزم
۲۔سہ حرفی لفظ ٭۔۔۔ ۔۔۔۔۔۔۔۔۔۔۔۔ مثل۔۔میم کے نیچے زیر،ث پر جزم اور لام پر جزم
مسل۔۔میم پر زبر،سین پر زبر،لام پر جزم
زبر۔۔زے پر زبر،بے پر زبر ،رے پر جزم
۳۔چہار حرفی لفظ ٭۔۔۔۔۔۔۔۔۔۔۔۔۔۔ مبدّل۔۔میم پر پیش ،بے پر زبر،دال پر تشدید،لام پر جزم
۴۔پنج حرفی لفظ ٭۔۔۔۔ ۔۔۔۔۔۔۔۔۔۔۔۔ تبدیل۔۔تے پر زبر،بے پر جزم ،دال کے نیچے زیر،یے اور لام پر جزم
۵۔شش حرفی لفظ۔۔ ۔ ۔۔۔۔۔۔۔۔۔۔۔۔بہترین۔۔بے پر زبر،ہ پرجزم،ت پر زبر،ر ے کے نیچے زیر،ن پر جزم
۶۔ہفت حرفی لف٭۔۔۔ ۔۔۔۔۔۔۔۔۔۔۔۔ استقبال۔۔الف کے نیچے زیر،ت پر زبر،ق پرجزم،ب پر زبر،الف اور لام پر جزم
یاد رکھئے ۔۔۔اردو میں کوئی لفظ ساکن حرف ۔۔یعنی کسی ایسے حرف سے شروع نہیں ہوتا ۔جس پر جزم ہو۔
الفاظ کی یہ صورتیں آپ اچھی طرح سمجھ لیں ۔کیونکہ ان ہی کی تقسیم سے ہمیں آگے چل کر عروض کا کھیل کھیلنا ہے ۔کھیل اس لئے کہ ہمیں ایک ایسے حسابی طریق سے واسطہ پڑے گا ۔جس کی بنیاد حروف کے اُس کھیل پر ہے۔ جو لفط بناتی ہیں ۔لیکن یہاں ایک اور بات بہت اہم ہے کہ ہماری شاعری میں مکتوبی سے زیادہ ملفوظی طریقہ استعمال کیا جاتا ہے ۔جس کا مطلب یہ ہے کہ لکھے ہوئے لفظ سے زیادہ وزن میں یہ دیکھا جاتا ہے کہ شعر میں اس لفظ کو بولا یا ادا کیسے کیا گیا ہے ۔مثلا کئی مرتبہ ہم خوشبو۔۔جو پنج حرفی لفظ ہے ۔اسے خشبو ۔کے وزن پر چہار حرفی پڑھتے ہیں ۔تو وزن میں بھی وہ چہار حرفی ہی شمار ہو گا ۔کیسے؟۔یہ بتانے کا یہاں موقع نہیں ۔اس وقت صرف یہ یاد رکھین کہ ہماری شاعری میں لکھے ہوئے لفظ سے زیادہ بولے گئے لفظ کی اہمیت ہے۔
