علم العروض (15) جمیل الرحمن

ہم دائروں کی حقیقت اور بحور کی ریاضی پر بات کر رہے تھے کہ ایک دائرے سے کس ریاضی کے تحت بحور بنتی ہیں ۔ابھی تک ہم نے دو دائروں اور پانچ بحور کو بنتے دیکھا ہے۔ ۔ لیکن یہاں ایک بات کی وضاحت بہت ضروری ہے کہ ۔۔ سالم بحر ۔۔۔ کسےکہتے ہیں ۔اور ۔۔۔مزاحف بحر۔۔۔کیا ہوتی ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔

سالم بحر۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔اس بحر کو کہتے ہیں جس کے کسی رکن میں ۔۔زحاف کے عمل سے ۔۔۔ کوئی تبدیلی واقع نہ ہوئی ہو۔۔۔مثلا اگر کسی بحر میں ۔۔فعولن ۔۔کا رکن استعمال ہوا ہے تو ہرجگہ وہ فعولن ہی ہو۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مزاحف بحر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مزاحف بحر وہ ہوتی ہے جس میں ایک رکن یا دو ارکان یا سبھی ارکان کو حسب ضرورت اور اصول ۔۔۔یا تو حروف گرا کر چھوٹا کیا جائے یا ایک دوحر وف بڑھا کر رکن کو بڑا کر دیا جائے ۔مثلا ۔مفاعیلن کی ی گرا کر اسے مفاعلن بنا دیا جائے یا فعولن میں الف کا اضافہ کر کے اسے فعولان کر دیا جائے۔مگر اس کے کچھ قاعدے قانون ہیں ۔جنہیں مفرد اور مرکب بحور کیے تعارف کے بعد بتایا جائے گا ۔

ایسا نہیں ہو سکتا کہ ارکان کا کسی دشمن کی طرح بے دریغ قتل عام کرنے کی کھلی چھٹی ہو۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارکان بحر کی تعداد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسی طرح ایک طالبعلم کے ذہن میں یہ سوال بھی پیدا ہو سکتا ہے کہ ایک بحر میں ارکان کی تعداد کتنی ہو سکتی ہے ۔تو یاد رکھئے کہ ایک بحر میں ارکان کی کم سے کم تعداد دو اور زیادہ سے زیادہ سولہ ہوتی ہے ۔بعض شاعروں نے چونسٹھ ارکان پرمبنی غزل یا اشعار بھی کہے ہیں مگر مناسب یہی سمجھا گیا ہے کہ ہر مصرع چار ارکان پر مشتمل اورشعر آٹھ ارکان کا ہو تو بہتر ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تیسرا دائرہ۔۔۔۔موتلفہ۔۔کہلاتا ہے ۔جس میں سے دو بحور نکلتی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بحر کا نام ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وافر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1۔۔مفاعلتن۔۔= وتد مجموع +سبب ثقیل +سبب خفیف۔۔۔۔۔۔۔۔۔چار بار

مثال۔۔۔۔۔۔۔۔۔دوا بھی عبث دعا بھی عبث دوا نہ کرو دعا نہ کرو

تقطیع۔۔۔۔۔دوا۔۔مفا۔۔ب ع ۔۔۔عل۔۔بث۔تن۔۔دعا۔۔۔۔۔مفا۔۔۔ب ع۔۔عل۔۔بث۔۔تن۔۔دوا۔۔مفا ۔۔۔۔ن ک۔۔۔عل۔۔رو۔۔تن۔۔۔دعا۔۔۔مفا ۔۔ن ک ۔عل ۔۔رو ۔تن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بحر کا نام ۔۔۔۔۔۔۔۔۔۔۔۔۔۔۔۔۔۔۔۔۔۔۔کامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

2۔متفا علن۔= سبب ثقیل+سبب خفیف +وتد مجموع۔۔۔۔۔۔۔۔۔۔۔۔۔۔۔۔۔۔۔۔۔۔چار بار

مثال= کبھی اے حقیقت منتظر نظر آ لباس مجاز میں

تقطیع۔۔۔۔۔ک ب اے۔۔متفا۔۔۔حقی۔۔۔۔علن ۔۔ق ت من۔۔متفا۔۔۔تظر۔۔۔علن۔۔۔ن ظ را۔۔۔متفا۔۔۔لبا ۔۔۔علن ۔۔۔س م جا۔۔۔متفا۔۔۔ز مے۔۔علن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چوتھے دائرے کا نام ہے ۔۔۔۔۔۔۔۔مفروقہ۔۔۔۔۔کیونکہ اس میں تمام سباعی یعنی سات حروف والے ارکان ہیں۔ جن میں سے ہر ایک میں ایک وتد مفروق موجود ہے ۔اس دائرے کے ارکان سے کوئی مفرد یا سالم بحر تو نہیں بنتی مگر مزاحف بحر بن سکتی ہے ۔ پھر چونکہ یہ مفروقی ارکان کا دائرہ ہے جس کے مختلف ارکان مختلف مرکب بحروں میں استعمال ہوتے ہیں اس لئے اس کو یہاں درج کیا جاتا ہے اور اس کے ساتھ ہی مفرد بحور کے دائروں اور ان سے نکلنے والی بحور کا بیان ختم ہوتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فاع لاتن۔۔۔مس تفع لن۔۔۔۔۔مفعو لا تُ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔