۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۱۔زحاف کا عمل رکن کی صورت تبدیل کر کے اس میں کسی حرف کی کمی یا زیادتی کر دیتا ہے۔
۲۔زحاف ۔کسی رکن پر لگتا ہے۔۔جب یہ ایک رکن پر اور ایک ہی بار لگے تو اسے مفرد زحاف کہتے ہیں۔
۳۔جب کسی رکن میں ایک سے زیادہ زحاف لگیں تو اُسے مرکب زحاف کہتے ہیں ۔
۴۔ایک سے زیادہ زحافات لگنے کا عمل بیک وقت ہوتا ہے ۔ایسا نہیں ہو سکتا کہ پہلے ایک رکن پر ایک زحاف لگا کر اُسے مزاحف کیا جائے ۔اور پھر
مزاحف پر دوسرا زحاف لگایا جائے۔یہ یاد رکھنے والا سب سے اہم اصول ہے۔
۵۔کچھ زحاف صدر و ابتدا کے لئے اور کچھ عروض و ضرب کے لئے مخصوص ہیں ۔کچھ زحاف عام زحاف کہلاتے ہیں جو ہر مقام پر عمل کر سکتے ہیں۔
کوئی ایسا مزاحف۔عروض و ضرب میں نہیں آ سکتا۔جس کا آخری حرف متحرک ہو
۶۔سبب خفیف،سبب ثقیل،وتد مجموع اور وتد مفروق پر وہی زحاف عمل کر سکتے ہیں جو اُن کے لئے مخصوص ہیں ۔سبب کا زحاف کسی وتد پر وارد نہیں ہو سکتا۔
۷۔کچھ زحافات اپنے حصول کی نوعیت کے لحاظ سے متنازع ہیں ۔کہ انہیں کیسے حاصل کیا جائے ۔مگر اپنی ہیئت اور اطلاق کےلحاظ سے ان میں کوئی فرق نہیں ۔ اُن کے روبہ عمل ہونے کا اصول وہی ہے ۔لیکن یہ مبادیات میں نہیں آتا۔۔فی الوقت آپ کے لئے صرف زحاف کی نوعیت ،نام اور عمل جاننا
ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابھی تک ہم نے اُن زحافات کو سمجھنے کی کوشش کی ہے ۔جو۔ سبب خفیف ۔پر عمل کرتے ہیں ۔
اس سبق میں ہم اُن زحافات پر گفتگو کریں گے۔جو ۔۔سبب ثقیل۔کے زحاف کہلاتے ہیں ۔
کیا آپ کو یاد ہے کہ سبب ثقیل کیا ہوتا ہے ۔؟
سبب ثقیل ایسے دو حرفی لفظ کو کہتے ہیں ۔جس کے دونوں حروف متحرک ہوں ۔اردو زبان میں ایسا کوئی لفظ موجود نہیں جس کے دونوں حروف پر متحرک ہوں ۔ایسا لفظ صرف کسی مرکب صورت میں ہوتا ہے ۔جیسے زرِ گُل۔۔ہم نے زر کی رائے مہملہ کے نیچے زیر لگا کر جب اسے لفظ گل سے اضافت دی تو ز کے ساتھ ر بھی متحرک ہو گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٌسبب ثقیل کے زحاف
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ تو آپ جانتے ہی ہیں کہ صرف دو ارکان ایسے ہیں جن میں سبب ثقیل آتا ہے۔۔اور چونکہ اس کے فورا بعد سبب خفیف ہوتا ہے ۔اس لئے اسے فاصلہ ء صغریٰ بھی کہتے ہیں ۔یہ دو سالم ارکان ہیں۔
مفا علتن۔اور۔متفاعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف۔۔اضمار۔۔مزاحف۔۔مضمر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر رکن سبب ثقیل سے شروع ہو تو دوسرے متحرک کو ساکن کرنے کا نام ۔اضمار۔ہے۔مزاحف کو ۔مضمر۔کہتے ہیں
متفاعلن۔۔کا ۔ت ۔ساکن کر کے ۔متفاعلن۔ت ساکن کے ساتھ حاصل ہوا ۔جسے ہم وزن رکن ۔مستفعلن ۔سے بدل لیتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف۔وقص۔۔مزاحف ۔۔موقوص
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگرمتفاعلن کے اسی دوسرے متحرک حرف کو ساکن کرنے کے بجائے ساقط کر دیا جائے۔تو جو زحاف یہ عمل کرتا ہے اُسے۔۔وقص ۔کہتے ہیں ۔مزاحف ۔موقوص ۔کہلاتا ہے۔
متفاعلن۔کا دوسرا متحرک حرف جب ساقط ہوا ۔تو باقی۔مفاعلن ۔رہا۔جسے بدلنے کی ضرورت نہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف۔۔عصب۔۔مزاحف۔۔معصوب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفا علتن۔۔میں سبب ثقیل کا دوسرا متحرک ۔پانچویں مقام ۔پر ہے ۔اس پانچویں مقام پر اسے ساکن کر نے والے زحاف۔کو ۔عصب۔ کہتے ہیں ۔مزاحف ۔معصوب کہلاتا ہے۔
مفاعلتن ۔کا ۔لام ۔پانچویں مقام پر ساکن ہوا تو مفاعلتن۔حاصل ہوا ۔جس کا قائم مقام رکن۔مفاعیلن ہے ۔لہٰذا اسے مفاعیلن سے بدل لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف۔۔عقل۔۔مزاحف۔۔معقول
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف۔۔عقل۔۔مفاعلتن ۔کے لام کو پانچویں مقام سے ساقط کر دیتا ہے ۔مزاحف کو۔۔معقول۔کہتے ہیں ۔
مفاعلتن ۔کا لام۔پانچویں مقام سے ساقط ہوا تو باقی ۔مفاعتن۔بچا۔جسے اس کے مانوس اور ہم وزن۔مفاعلن۔۔سے بدل لیا
