اصل میں لفظ ۔۔۔۔۔۔زحف۔۔ہے جس کی جمع زحاف اور جمع الجمع زحافوں یا زحافات ہے ۔زحف کا لفظ نامعلوم وجوہات کی بنا پر استعمال نہیں کیا جاتا اور رائج العام زحاف ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف کی ضرورت کو سمجھنے کے لئے یوں سمجھئے کہ آپ کے پاس ایک بڑا ڈبہ ہے ۔جس میں رکھنے کے لئے آپ کو کئی چھوٹے چھوٹے ڈبے دے دئے جاتے ہن ۔اور شرط یہ ہے کہ آپ کو یہ سب چھوٹے ڈبے اسی ایک بڑے ڈبے میں اس طرح رکھنے ہیں کہ ان میں موجود کسی بھی چیز کو کوئی ضرب نہ پہنچے ۔ظاہر ہے کہ یہ ایک ایسا مشکل کام ہے جس کے لئے آپ کو اپنی عقل کا بہتر سے بہتر استعمال کرنا ہوگا ۔
کچھ ڈبوں کی پیکنگ آپ اتاریں گے ۔کچھ کو ٹیڑھا کچھ کو عمودی اور کچھ کو افقی اس طرح رکھیں گے کہ وہ سبھی ڈبے اُس ایک بڑے ڈبے میں سما جائیں۔
اب کسی بحر کو آپ وہ بڑا ڈبہ فرض کر لیجئے اور اپنے اشعار کےالفاظ یا ان کے ارکان کے اجزا کو وہ چھوٹے ڈبے جنہیں آپ نے لا محالہ اس بحر کے ڈبے میں پیک کرنا ہے۔سو اس کے لئے کسی لفظ کو بڑا کرنا پڑے گا اور کسی کو چھوٹا ۔تاکہ وہ بخیر وخوبی اس بحر کے ڈبے میں پورے آ جائین ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یاد رکھئے۔۔ہر بحر کے زحاف۔۔۔۔۔اس کے ارکان کے مطابق ہوتے ہین ۔اگر کسی رکن میں کسی ایسی تبدیلی کی گنجائش نہ ہو ۔جو آپ اس میں لانا چاہتے ہیں تو آپ زبردستی اور اپنی مرضی سے اس میں کھینچ تک کر اگر کوئی تبدیلی لائیں گے تو وہ مطلوبہ بحر کے بجائے کسی اور بحر کے زحاف کی نمائیندگی کرے گا اور بحر بدل جائے گی۔نیز یہ بھی یاد رکھئے کہ جس رکن یا جز پر زحاف عمل کرتا ہے ۔اسے مزاحف کہتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف ۔۔ہمیشہ سبب اور وتد پر واقع ہوتے ہیں ۔ یہ مفرد بھی ہوتے ہیں اور مرکب بھی ۔مرکب سے مراد یہ ہے کہ بیک وقت دو یا دو سے زیادہ اکان پر بھی وارد ہو سکتے ہین ۔مگر اس کی شرط یہ ہےکہ چاہے ان زحافات کی تعداد جتنی بھی ہو وہ بیک وقت وارد ہون گے ۔بتدریج نہیں ۔چونکہ اساتذہ نے بھی اس طرح کی غلطیاں کی ہین ۔اس لئے ہمیشہ یاد رکھئے کہ دو یا دو سے زیادہ زحاف کبھی ایک کے بعد ایک ۔۔یعنی بتدریج نہین لگتے بلکہ بیک وقت لگائے جاتے ہیں ۔یا ارکان میں تبدیلی بیک وقت ہوتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم نے گزشتہ اسباق میں یہ بھی سیکھا تھا کہ اسباب کی دو اقسام ہیں ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔۔سبب خفیف۔۔۔۔وہ دو حرفی لفظ۔۔جس کا پہلا حرف متحرک اور دوسرا ساکن ہو۔۔جیسے۔۔زر
2۔سبب ثقیل۔۔۔جس کے دونوں حروف پر حرکت ہو۔یہ مرکب لفظ میں ہوتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوتاد کی تین اقسام ہیں
ا۔ وتد مجموع۔۔وہ سہ حرفی لفظ یا رکن ۔۔جس کے پہلے دونوں حروف پر زبر ہو اور تیسرا حرف ساکن ہو۔۔جیسے۔۔لفظ۔۔ بنا
2۔وتد مفروق۔۔وہ سہ حرفی لفظ جس کا درمیانی ھڑف ساکن ہو ۔مگر پہلا اور تیسرا حرف متحرک ہو۔۔جیسے لفظ۔۔لفظ
3-وتد موقوف ۔۔اس کا زحاف سے نہیں لفظ کی شناخت سے تعلق ہے۔اور اس کے آخر پر دو ساکن ہو تے ہین ۔۔جیسے لفظ ۔فعل۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زحاف کو سمجھنے سے پہلے یہ سمجھ لیجئے کہ ہر شعر کے دو مصرعے ہوتے ہیں ۔جنہیں علم العروض میں اگر مسدس ہو تو چھ اور اگر آٹھ ارکان کی مثمن بحر ہو آٹھ حصوں میں تقسیم کیا گیا ہے ۔اور ان حصوں کے نام یہ ہیں
پہلا مصرع۔۔۔۔۔۔۔۔صدر۔۔۔حشو۔۔حشو۔۔۔۔۔عروض
دوسرا مصرع۔۔۔ابتدا۔۔۔حشو ۔۔حشو۔۔۔۔ضرب
کچھ زحاف صرف صدر و ابتدا کے لئے مخصوص ہیں ۔کچھ ضرب و عروض کے
لئے ۔۔اور کچھ عام کہلاتے ہیں ۔
اس لئے زحاف لگاتے ہوئے اس بات کا خیال رکھنا ضروری ہے کہ یہ علم ہو کہ وہ زھاف کہان لگایا جا رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب آئیے دیکھتے ہیں کہ ایک رکن کو کس طرح توڑا جا سکتا ہے اور اس میں کیا تبدیلیاں ممکن ہین ۔فی الحال بطور مثال سمجھانے کے لئے میں ایک خماسی رکن لوں گا۔ مکمل گفتگو اگلے سب سے شروع ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فعولن۔۔۔۔۔فعو+لن
۔۔۔یہ خماسی رکن ہے کیونکہ اس میں پانچ حروف ہیں ۔اور یہ ایک وتد مجموع اور ایک سبب خفیف پر مشتمل ہے۔
