زحاف۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک دیانتدار استاد کا کام یہ ہے کہ وہ پوری دیانتداری اورمحبت سے اپنا علم قابل فہم انداز میں اپنے شاگردو ں کو بلا تمیز منتقل کر دے ۔جب کہ ایک اچھے طالبعلم کا فریضہ اپنی تمام ذہنی صلاحیتوں کو بروئے کار لاتے ہوئے اُس علم کو سمجھنا ،حاصل اور خود میں جذب کرنا ہوتا ہے۔
علم العروض کوئی آسان علم نہیں ۔عمر بھر کی ریاضت کے باوجود اساتذہ تک اس میں غچہ کھا جاتے ہیں ۔لیکن اگر ایک مرتبہ اس کی مبادیات کو اچھی طرح سمجھ لیا جائے تو یہ علم بہت آسان ہو جاتا ہے۔
زحافات کا کھیل ۔۔۔شطرنج کے کھیل کی طرح ہے۔۔جس میں کھیل پر نگاہ اور ذہن حاضر نہ ہو تو ایک غلط چال بحر کی بازی الٹ دیتی ہے ۔ یہ کھیل کھیلتے ہوئے مبادیات کا علم اور نگاہ و ذہن کا ہمہ وقت حاضر رہنا لازم ہے ۔۔جہاں تک مبادیات کا تعلق ہے ۔مجھے آپ کو یہ یاد دلانے کی ضرورت نہیں ہونی چاہئے کہ زحاف سے پہلے جن باتوں کا علم ہونا چاہئے وہ مندرجہ ذیل ہیں ۔
1۔۔اسباب و اوتاد ۔۔۔کیا ہوتے ہیں ۔
2۔۔ارکان کا مطلب کیا ہے۔
3۔بحر اور اس کی ریاضی کیا ہے
اگر آپ نے اب تک ان تین باتوں کو ان کی تفصیل میں جا کر سمجھ لیا ہے تو اگلا مرحلہ زحافات کا ہے۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہر رکن یاجزو پر زحاف لگ سکتا ہے۔شرط صرف یہ ہے کہ اگر ایک سے زیادہ ارکان پر زحاف کا عمل ہو تو بیک وقت ہو ۔زحاف کے عمل سے گزرنے والے رکن کو مزاحف کہا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب جو کچھ میں آپ سے کہنے جا رہا ہوں ۔اس سے خوف کھانے یا بدکنے کے بجائے حاضر ذہن کے ساتھ سمجھنے کی ضرورت ہے ۔اگر آپ نے اپنی دلچسپی اور ذہن کو حاضر رکھا تو میں آپ کو یقین دلاتا ہوں کہ آپ با آسانی زحافات کےاس مشکل مرحلے سے بھی ہنستے کھیلتے گزر جائیں گے۔یہی وہ کٹھن مرحلہ ہے جہاں اچھے اچھے طالب علموں کے حوصلے پست ہو جاتے ہیں اور وہ علم العروض سے تائب ہونے ہی میں عافیت سمجھتے ہیں ۔
اس کی دو وجوہات ہیں
1۔۔زحافات کی تعداد۔۔۔۔۔اور مبادیات سے ضروری واقفیت کا نہ ہو نا
2۔۔استاد اور کتاب کا عروض کی دقیق اصطلاحیں استعمال کرنا مگر انہیں قابل فہم بنا کر پیش نہ کر نا
میں نے یہاں اب تک کے اسباق میں حتی المقدور کوشش کی ہے کہ اس علم کو انتہائی آسا ن بنا کر اس طرح پیش کروں کہ ایک کم تعلیم یافتہ یا کسی حد تک کند ذہن طالبعلم بھی اسے سمجھنے میں مشکل محسوس نہ کرے ۔لیکن یہ علم کا میدان ہے جہاں ہر چیز پکی پکائی نہین ملتی ۔تھوڑی بہت محنت طالبعلم کو بھی کرنا پڑتی ہے ۔تبھی کوشش کسی ٹھکانے لگتی ہے۔اس لئے میں دوستوں سے گزارش کروں گا کہ وہ زحاف سیکھنے کو ایک کھیل ضرور سمجھیں مگر ایک ایسا کھیل ۔۔۔جس کے لئے حاضر دماغ رہنا بہت ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انیس بحور کے اسباب و اوتاد پر لگنے والے زحافات کی تعداد ۔48۔۔ ہے۔۔ان میں سے ۔۔11 ۔۔زحاف صرف عربی بحور پر لگتے ہیں جو اردو میں مستعمل نہیں ۔لہٰذایہ تعداد کم ہوکر۔37۔۔۔۔۔ رہ جاتی ہے مگر ان سینتیس زحافوں کا حال بھی یہ ہے کہ ایک ہی زحاف مختلف بحور کے ارکان پر جب لگتا ہے تو زحاف کی نوعیت تو وہی ہوتی ہے مگر صرف بحر کی شناخت کے لئے اس کا نام بدل جاتا ہے۔۔۔۔لہٰذا سب سے اہم بات یہ ہے کہ آپ زحاف کی نوعیت کو سمجھیں ۔مثال کے طور پر ایک زحاف جب وتد مجموع کے پہلے حرف پر لگتا ہے تو اپنی نوعیت کے لحاظ سے تو وتد مجموع کا پہلا حرف ہی گر رہا ہے مگر نام کی تبدیلی کی وجہ سے ایسا لگتا ہے کہ وہ تین زحاف ہیں ۔اسے اس طرح سمجھئے۔
1۔۔مفاعیلن ۔۔رکن میں وتد مجموع کے مفا کا میم جب گرا تو باقی۔۔فاعیلن ۔۔بچا جو کوئی اصطلاحی یا اصولی رکن نہیں ۔تو اسے ہم و زن مستعمل لفظ مفعولن سے بدل لیا ۔اور زحاف کا نام ہوا۔۔۔۔خرم
2۔فعولن۔۔۔رکن میں وتد مجموع۔فعو۔۔کا۔ ف ۔۔زحاف۔ثرم کے ذریعہ جب گرا تو باقی۔۔ عو ۔۔بچا ۔جو اصطلاح عروض مین کوئی لفظ نہیں ۔تو اسے۔۔ فع ۔۔سے بدل لیا اور پورا مزاحف رکن ۔فعلن ۔۔ہو گیا
3۔۔مفاعلتن۔۔۔رکن میں وتد مجموع ۔۔مفا۔۔کا میم گرا تو باقی فا ۔۔بچا ۔اور پورا رکن ۔۔فا ع ل تن ہو گیا ۔۔جو اصطلاح عروض میں کوئی لفظ نہین ۔اس لئے اسے مستعمل۔مف ت ع لن سے بدل لیا ۔۔اور زحاف کا نام ہوا۔۔۔عضب
(مف ت ع لن اس طرح لکھنے کا مطلب یہ ہے کہ ت اور ع پر حرکت ہے)
تو آپ نے دیکھا کہ نام مختلف ہو گئے مگر عمل وہی ایک ر ہا ۔۔وتد مجموع کا پہلا حرف گرانے کا ۔
اب اسے آپ تین زحاف سمجھ لیں یا ایک ۔اصل اور سب سے اہم بات یہ ہے کہ اگر تینون کے عمل کی اس نوعیت کو آپ نے سمجھ لیا کہ وہ اپنی اصل میں ایک ہی ہین تو پھر آپ کو یہ تعداد پریشان نہیں کرے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئیندہ سبق میں ہم اسباب و اوتاد پر لگنے والے مفرد زحافوں پر گفتگو کریں گے ۔اور یہ تو میں آ پ کو بتا ہی چکا ہوں کہ زحاف دو اقسام کے ہوتے ہین ۔۔
1۔مفرد حاف
2۔مرکب زحاف
